Da WHO: Mga empleyado ng TV network, antibayotik sa lilipat na TV personality.

MAINTRIGA ang narinig naming isyu na hindi raw welcome ang isang TV personality sa halos lahat ng staff at pati na sa mga empleyado ng lilipatang TV network.

Ayon sa isang insider ng naturang network, nararamdaman nilang “second option” lang ni TV Personality ang paglipat sa kanila.

Halata naman daw nagpapahabol pa si TV Personality sa iiwanang istasyon, huh!

Kaya kung ang mga artistang lumipat sa kanila na galing sa kalabang istasyon ay ipinagyayabang agad nila, ngayon ay kabaligtaran ang naramdaman nila sa paglipat sa kanila ng TV personality.

Pati nga raw ang mga staff ng gagawing TV show ni TV Personality ay pinagtaasan na lang nila ng kilay.

“Nu’ng una pa lang makarating sa amin na lilipat siya, eh, hindi na kami excited dahil alam naming may iba pa siyang dahilan at kitang-kita naman talagang may motibo siya,” banggit pa ng kausap namin.

Kung may balak din daw naman ang TV personality na magpi-prima donna sa istasyong lilipatan ay hindi raw mangyayari dahil bukung-buko na raw naman siya kaya nga ayaw na ayaw sa kanya ang karamihan sa lilipatang network.


Written by: Jimi Escala

For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com