Da WHO: Aktres, tabingi na ang mukha sa ‘KAKAPARETOKE’!

Ang slim figure ng senior citizen actress ang pinansin namin nang magkita kami sa isang recent big showbiz event. 

“Ate, ang payat mo ngayon. Seksi ka pa rin,” ang sabi namin sa aktres na hindi nagpasalamat sa narinig na compliment pero mabilis na sumagot ng “Siyempre naman. Alam mo na, very stiff ang competition ngayon. Hindi ako katulad ng ibang diyan na hindi na pantay ang mukha!”


Siniguro namin na ‘poker faced’ kami sa narinig na sagot ng aktres na very competitive pa rin, malakas ang loob na laitin ang kanyang mga colleague at parang hindi nakikita ang mga kapintasan sa sarili.


Kapag nakatalikod ang aktres, siya ang pinag-uusapan ng mga kaibigan niya dahil malaki na ang ipinagbago ng kanyang mukha mula nang mahilig siya sa pagpaparetoke.


Babaeng Michael Jackson ang tawag sa aktres dahil malayong-malayo na ang mukha niya sa dating itsura. Dahil sa madalas na pagpaparetoke, hindi na pantay ang mga mata ng aktres, tabingi na ang ilong niya at yes, hindi na pantay ang kanyang mukha.


Written by: Jojo Gabinete