Da WHO: Aktres na masama ang ugali, papatayin na sa serye!

Mawawala sa isang television show ang karakter na ginagampanan ng aktres na matagal nang inirereklamo ang ugali. Hindi popular sa production staff ang aktres dahil sa prima donna attitude nito.

Bukod sa mahilig magreklamo, madalas na pinaghihintay ng aktres ang co-stars dahil kung hindi pa tapos ang paglalagay sa kanya ng make up, hindi pa maayos ang buhok niya.

Nararamdaman ng aktres na bilang na ang kanyang mga araw sa naturang programa. Panay ang tanong ng aktres sa production staff tungkol sa mangyayari sa kanyang karakter.

Hindi na bago ang attitude problem ng aktres dahil mas mahirap siya na pakisamahan noong kasikatan niya.

Malakas ang loob ng aktres na magtaray noon dahil sa lihim na relasyon nila ng isang powerful production executive na nagbigay sa kanya ng maraming movie projects.

Hindi nagtagal ang relasyon ng dalawa dahil na-in love ang aktres sa isang aktor. Alam din niya na hindi magtatagal ang relasyon nila ng powerful executive dahil may asawa at mga anak ito.


Written by: Jojo Gabinete


For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com