Da WHO: Young Actress, madalas mag-inarte sa taping!

Pumapangit ang imahe ng young actress sa production. Ang tingin nila sa young actress, marami itong demands ngayon at marami ring arte.

Hindi maintindihan ng production kung saan nanggagaling ang mga kaartehan at mga demands ni young actress.

Hindi naman ganito ang pagkakakilala ng production kay young actress at matagal na rin siya sa kinabibilangang network.

Pero ngayon, dahil sa sunod-sunod na reklamo sa kanya na minsan ay nagiging cause of delay pa ng isang programa, hindi malayong tatanggihan na si young actress na kuhanin sa mga programa ng network. 

Napakabilis pa naman ng mga ganyang kuwento at siyempre dahil ang production naman, ang gusto lang nila ay maayos at walang arteng artista para smooth at hindi nabubulilyaso ang taping o shooting, sa rami rin ng artista, hindi kaya ma-realize na lang ni young actress, wala nang kumukuha sa kanya?

Posible rin daw na magbayad ng danyos si young actress dahil sa kaartehan nito, may mga nasayang na pera at nag-over budget ang production.

Isip-isip na siguro dapat si young actress lalo pa nga’t ngayon, mainit na sinusulong ang pagpapatupad ng tamang working hours.

Eh kung si young actress mismo ang dahilan ng delays, paano na? Sayang at mahusay pa naman sana siyang aktres.

Courtesy: Abante Online

For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com