Da WHO: Isang taon ang original plan seryeng puro iyakan na pinagbibidahan ng magka-loveteam, tatapusin na agad.

Mukhang hindi maabot ang target na one year airing ng teleserye ng isang sikat na love team dahil inihahanda na ng network ang teleserye na ipapalit sa show ng dalawa.

Ang sabi, kundi May ay June ang airing ng bagong show, kaya five months o six months lang tumagal ang show ng magka-love team.

Maganda ang teleserye na pinagbibidahan ng magka-love team at magagaling ang cast na isinama sa kanila. Mahusay din ang director nito, kaya magtataka ka kung saan nagkamali ang production.

Sabi ng mga nakausap naming fans ng magka-love team, maganda nga ang teleserye, kaya lang, may kabigatan ang tema nito para sa kanila.

Madalas nga namang eksena ng dalawa laging may problema at nag-iiyakan. ‘Yung isang show ng magka-love team, chill lang sila, kaya siguro nagtatagal at nagugustuhan ng viewers.

Sabi pa ng fan, kung pakikinggan sila ng network, gusto nilang ang susunod na show ng favorite love team nila ay rom-com series naman, ‘yung matatawa at kikiligin sila.


Written by: Nitz Miralles

For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com