Da WHO: Sikat na Aktor at Aktres, inayawan sa advertising!

Sa meeting ng isang brand, napag-usapan ang dalawang sikat na artista at kung bakit sila hindi na kinuhang endorsers ng produkto nila.

Ang babae ay naging endorser na, ngunit naramdaman nilang umiiwas sa mga activities at brand events. Hindi nila makalimutan na may isang event sila na nagpasabing maysakit itong babaeng endorser.

Ang punchline, habang ginaganap ang naturang event, nakita ng driver ng may-ari ang kotse ni aktres.

Tinanong ang handler ni aktres kung nasaan ito. Ang sabi, siguro’y nasa bahay lang at nagpapahinga. Pero ang katotohanan ay nasa kabilang event lang ito kaya nasaktan ang brand.

Buti pa ang isang endorser nila na nagsabi na pareho niyang dadaluhan ang 2 event na tatawid ka lang sa kalye ay nandoon ka na. Ang ending, hindi na ni-renew ng brand ang naturang aktres bilang endorser.

Iba naman ang kuwento about an actor na biglang sikat dahil sa kanyang soap opera. Gusto sanang kunin ito for a print ad pero nagpresyo nang napakataas.

Nauunawaan ko na kung bakit wala siyang masyadong commercials. Dahil pala ito sa pagka-overpriced niya.

Akala siguro ng grupo niya, kukunin siya talaga kung gusto nila siya. Pero maraming nawawalang endorsement dahil sa reputasyong biglang sikat ulit and he never had it this good kaya mataas na presyo ang ibinibigay.

Hayun, naligwak siya sa endorsement at ang isang mas sikat na aktor ang nakuha na marami ring endordsement dahil hindi nag-o-overprice.


Written by: Noel Ferrer

For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com