Julie Anne San Jose on Lip-Syncing Celebs: ‘Lahat naman tayo, gumagawa lang ng paraan para mag-trabaho’

Isang certified singer si Julie Anne San Jose, kaya hiningan ang kaniyang komento tungkol sa naging isyu kamakailan sa mga sinasabing “non-singers” at mga artists na nagli-lipsynch kapag nagpe-perform.

Ayon kay Julie Anne, “Basta ang masasabi ko lang po ay kumbaga, lahat naman siguro, talagang gumagawa na nga ng paraan para magtrabaho, 'di ba?"

"'Tsaka para mapasaya din yung mga ibang tao, and ako I totally respect both sides."

Si Julie Anne ba, sa dinami-dami na ng mga naging performances niya, may pagkakataon bang nag-lipsynch siya?

“Wala naman po. Pero like yung mga background vocals, kasi siyempre pampakapal din 'yun ng track like kunyari 'yung fast songs, 'di ba? Pero like 'yung sa chorus parts lang kasi siyempre kailangan rin yung mga back-up."

"Yun lang, pero I don’t lip sync, I don’t do that,” paglinaw niya.

Pero nilinaw naman niya na wala siyang issue sa mga nagli-lip sync.


For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com