Tomboyserye na The Rich Man‘s Daughter pinataob ang serye Bridges of Love sa Mega Manila.

Kagabi Mayo 11 nagsimula ang kauna-unahang tomboyserye sa primetime ang The Rich Man‘s Daughter na napapanood sa GMA Telebabad pagkatapos ng Let the Love Begin.

Sa pagsisimula nito tila kapansin-pansin na halatang minadali ang seryeng ito na umere ngayon buwan.

Matatandaan na si Marian Rivera dapat ang magiging bida dito pero dahil sa kanyang maselan na pagbubuntis ay minabuti nyang magpahinga at ibigay sa ibang kapuso star ang naturang proyekto.

Sa pagsisimula ng The Rich Man‘s Daughter na pinagbibidahan ni Rhian Ramos pumalo kaagad sa 20.7% ang pilot episode nito laban sa Bridges of Love na nakapagtala ng 15.8% sa Mega Manila. Ang datos na ito ay mula sa AGB Nielsen  Mega Manila Households.

Sa ngayon wala pang inilalabas na datos mula sa Kantar Media National TV Ratings at marami ang nag-aabang kung anong programa ang wagi nationwide.

Sa madaling salita wagi ang programang The Rich Man‘s Daughter sa Mega Manila at asahan natin na magbabago pa ang resulta nito sa mga darating na araw.


For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com

Original Article from Kakulay Entertainment Blog