TV5 Ibabalik si Kamahalan sa WATTPAD PRESENTS “Mr Popular Meets Miss Nobody Book 2”

Masayang ibinabalita ng TV5 na nagbabalik ang Wattpad character na minahal at kinakiligan ng marami, si “Kamahalan” Kyle sa sequel na WATTPAD PRESENTS “Mr Popular Meets Miss Nobody Book 2” simula ngayong Lunes.

Dahil sa sunud-sunod na request na natatanggap ng TV5, inihahandog ng Happy Network ang pinakaaabangang continuation ng kwento na una nang kinagiliwan ng mga manonood sa “Mr Popular Meets Miss Nobody Book 1”. 

Ibinabalik ng romantic-comedy sequel na ito ang tambalan ng Artista Academy scholars na sina Mark Neumann at Shaira Mae kung saan ipagpapatuloy nila ang istorya ng “nobody” na si Chelsea (Shaira Mae) na ngayon ay official girlfriend ng pinaka-popular na lalake sa kanilang campus na si Kyle (Mark). 

Ipapakita ngayon ni Kyle kung paano nya ipaglalaban at patutunayan na si Chelsea ang natatanging babae para sa kanya habang pinipilit sya ng kanyang ama sa isang arranged marriage sa kanyang nagbabalik na ex-girlfriend na si Mandy (Yassi Pressman). Magkaroon pa kaya ng happy ending sina Kyle at Chelsea o tuluyan na kaya silang magkalayo? 

Tampok din sa WATTPAD PRESENTS’ “Mr Popular Meets Ms Nobody Book 2” sina Lander Vera Perez, Shirley Fuentes at ang veteran actress na si Perla Bautista, kasama ang mga young artists na sina Diego Loyzaga, Pam Mendiola, Donnalyn Bartolome, Bryan Olano and Prince Justine Navarro. 

Kiligin at muling mahalin si “Kamahalan” sa WATTPAD PRESENTS “Mr Popular Meets Miss Nobody” ngayon Lunes, November 24, 9:30pm, sa TV5.