Matapos sitahin si Julia Barretto sa pag-ismid, Dennis Padilla sinampal-sampal ni Marjorie, binitbit papalabas ng mga guard ni Gretchen.

As of this writing, hindi pa rin sinasagot ni Dennis Padilla ang kumalat na isyung nasampal ito ni Marjorie Barretto sa burol ng ina ni Raymart Santiago na si Mrs. Cielito Legaspi-Santiago.

Nakumpirma namin mismo sa ilang nakasaksi na nagpang-abot pala roon sa burol sina Dennis at Marjorie Barretto kasama ang mga anak nila at nandun din si Gretchen Barretto.

Napikon daw kasi si Dennis nang hindi raw siya batiin ng mga anak niya. Nakita pa raw nito si Julia Barretto na umismid nang makita ang ama niya.

Pinatawag daw ni Dennis si Julia at nagkausap daw sila sa labas, galit daw si Dennis na pinagsabihan ang anak. Kaya iyak nang iyak daw si Julia na nagsumbong sa mommy niya.

Sa galit daw ni Marjorie, sinugod daw ang dating asawa at pinagsasampal daw.

May nakakita pa raw na binitbit daw si Dennis palabas ng mga guards ni Gretchen.

Written by: Sol Gorgonio/PSN