Kaye Abad, Jason Abalos at Erich Gonzales bibida sa pinoy remake na Two Wives.

Pagkatapos iremake ang pinoy version na Pure Love na pinagbibidahan nila Yen Santos, Joseph Marco, Arjo Atayde, Yam Concepcion at Alex Gonzaga heto na naman dahil may handog ang Kapamilya Network sa kanilang viewers.

Nagsimula na nga gumiling ang kamera para sa pinoy version na Two Wives at pagbibidahan ito ng magagaling na artista sa kanilang henerasyon na sina Kaye Abad, Jason Abalos at Erich Gonzales.

Base sa impormasyon aming nakalap gagampanan ni Jason Abalos ang papel na Victor na kung saan ang unang asawa nya dito si Yvonne na gagampanan ni Kaye Abad samantala si Erich Gonzales naman si Janine ang pangalawang asawa.

Nagmahal ng isang lalaki pero dahil sa pag-ibig ibinigay nya ang kanyang sarili para sa minamahal. Ang hindi nya alam ay dalawa silang asawa, makakaya mo ba kapag nalaman mo na kasal na ang iyong asawa sa ibang babae? Abangan din kung sino ang gaganap sa mga karakter na Albert,David, Doris, Gary at Cheska.

Tila nauuso ngayon ang temang kabitserye (The Legal Wife) o di kaya dalawang asawa na pinagsabay (Ang Dalawang Mrs.Real) na bumaha sa viewing habit ng mga pinoy dahil sa makatotohanan ang istorya.

Ang malaking tanong kapag umere na ang serye ito tanggapin kaya ng pinoy viewers ang ganitong tema? ano pa't nagkaroon na ng The Legal Wife at Ang Dalawang Mrs.Real siguradong ikukumpara ito sa mga nauna.


For more Kakulay updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@mail.com

Original Article from Kakulay Entertainment Blog