Pagtatapos ng youth oriented program na “Teen Gen” hindi naramdaman.!

Lumabas nuong abril ang balitang titigbakin na ang youth oriented program na Teen Gen pero tila binigyan pa ito ng pagkakataon para sa ikalawang season nito.

Marami din ang nagsabi at ipinagtanggol ng ilang entertainment page na wala daw diumano katotohanan ang isyung lumabas at walang  balak ang kapuso network na katayin ito sa ere, pero sa huli ay nagulat na lang sila dahil titigbakin lang naman pala ito.

Sa totoo lang wala manlang sumikat na teens dito at pawang hindi mga kilala ang mga nasa likod ng programang ito, may nabasa pa nga kami na sobrang bano umarte ang mga ito dahil daw walang kabuhay-buhay umarte para ideliver ang linya na binibitawan nila.

 Ito kaya ang dahilan kung bakit hindi naramdaman na tinigbak na pala sa ere ang youth oriented program na Teen Gen dahil kinakailangan pa nila ng matinding workshop kumpara sa katapat nitong programa na LUV U na sobrang gagaling umarte.

Kaya naman nuong linggo ay marami ang nagulat na nawala na pala sa ere ang Teen Gen sa halip isang lumang pelikula ang ipinapalabas nila sa timeslot nito.

Ipinalabas ang GMA Blockbusters na kung saan akala ng karamihan ay nasa Cinema One ito isang cable channel na kung saan pawang mga pelikula din ang ipinapalabas may balak nga ba ang kapuso station na tapatan ang istasyon ito dahil sa dinami-dami nilang ipinapalabas na mga lumang pelikula.

Hindi nga naramdaman ang pagtatapos ng Teen Gen pero ang malaking tanong sa pagsisimula nito naramdaman din kaya ito ng mga pinoy viewers.

For more Kakulay updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@mail.com

Original Article from Kakulay Entertainment Blog