Teleserye 'Born for You' magpapaalam na ngayong September 16!

Ngayong gabi nagtapos ang hit romantic teleserye na Dolce Amore na tinutukan ng kapamilya viewers at sa pagsapit ng Setyembre isa na namang Primetime Bida show ang magpapaalam.

Wala pang anunsyo mula sa ABS-CBN pero sa aming nakuhang scoop malapit ng magtapos ang teleserye Born for You na pinagbibidahan nila Elmo Magalona at Janella Salvador.

How true na hindi kinagat ang tambalang ElNella kaya tatapusin na ito sa ere? Kapansin-pansin din na bumababa at hindi gaano kaingay ang 3rd slot ng Primetime Bida line up.

Nagsimula ang serye Born for You noong Hunyo 20 at magtatapos ngayong Setyembre 16 at kung walang pagbabago sa nakuha naming impormasyon umabot ito ng tatlong buwan sa ere katumbas ng isang season.

Ang Born for You ang pumalit sa maagang nagtapos na serye The Story of Us na pinagbidahan ng KimXi at mukhang minalas din ito.

Kung ratings naman ang pagbabasehan dikit ang labanan, ayon sa datos mula sa Kantar Media nakapagtala ng 14.9% ang Born for You laban sa 13.2% na ratings ng Juan Happy Love Story noong Agosto 25.

Sa datos naman ng AGB Nielsen nakapagtala ng 12.2% na ratings ang Born for You laban sa Juan Happy Love Story na nakakuha ng 15.8% na ratings noong Agosto 25.

Alam nyo ba na naextend ng isang linggo ang Juan Happy Love at kitang-kita naman na wagi sa panlasa ng mga pinoy ang nasabing serye. Ma-extend din kaya ang seryeng Born for You?

For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com

Original Article from Kakulay Entertainment Blog