Da WHO: Dahil sa kanyang Gwapong Boyfriend, Sikat na Aktres nawalan ng endorsement!

May paliwanag ang isang aktres kung bakit hindi nila inaamin ng boyfriend niyang aktor ang kanilang relasyon gayung nakikita silang magkasama sa mga lakad pati sa pagbabakasyon sa ibang bansa.

Sabi ng aktres, para sa kani-kanyang career (lalo na sa kanya), hindi muna nila kinukumpirma ang kanilang relasyon.

Ayaw ng agency na kumukuha sa aktres para mag-endorse ng produkto na malamang may BF siya. May nawala na ngang endorsement deal ang aktres, hindi ni-renew ang kanyang kontrata dahil sa bali-balitang BF niya ang aktor.

Ang isa namang produkto na ini-endorse ng aktres, ni-renew nga ang kontrata, pero pinakiusapan siyang ‘wag aaminin sa relasyon nila ng BF na aktor. In-explain ng ad agency sa aktres na mas gusto ng consumers na single siya o ‘di kaya’y hindi alam kung committed siya.

Ang hindi nasagot ng aktres ay kung hanggang kailan sila hindi aaminin ng aktor sa kanilang relasyon.

Ang career din ng dalawa ang malaking rason kung bakit wala pa silang planong magpakasal. Matagal pa kung ganu’n ang ipaghihintay ng kanilang fans na makita silang ikasal.

Written by: Nitz Miralles

For more Kakulay Updates FOLLOW or LIKE  Kakulay Entertainment Blog  on  Facebook  and  Twitter and ADVERTISE with us email at ilovekakulay@gmail.com

Original Article from Kakulay Entertainment Blog